Dokumentuak legeztatzea


Atzerriko dokumentuak legeztatzea behar beharrezkoa da Espainian baliagarri izan daitezen. Dokumentuok legeztatu behar izatetik salbuesten duten nazioarteko hitzarmen edo akordiorik egon ezik, dokumentua egin duen herrialdeak jarritako prozeduraren arabera egingo da legeztatzea:

1. Hagako oharra

Hagako hitzarmenaren arabera, 1961eko urriaren 5ekoa, hitzarmen horretan sartuta dauden herrialdeetako dokumentuei eskatzen zaien formalitate bakarra dokumentua egin duen Estatuko aginte eskumendunak jarritako ohar-zigilua da, eta berau baliagarria da Espainiako edozein aginte-organorako. Udalerrian dauden nazionalitateetako batzuk dira, besteak beste, Argentina, Kolonbia, Ekuador, edo Europar Batasuneko herrialdeak Errumania eta Bulgaria barne. Hagako hitzarmena izenpetu duten herrialde guztien zerrenda lotura honetan kontsultatu daiteke.

Orientazio Juridikoko Zerbitzua

2. Bide diplomatikoa

Prozedura hori erabili behar da igorritako Erregistro Zibileko agiriak, notarialak eta administratiboak legeztatzeko, Hagako Hitzarmena izenpetuta ez dutenetako herrialde batek egin baditu (esaterako, Bolibia, Senegal edo Txina). Horretarako, dokumentua ondoren zehazten diren agintaritzetan aurkeztu behar da, eta haiek, bakoitzak, zigilu bat ipiniko dio dokumentuari honako ordenari jarraituz:

Jatorrizko herrialdean:

  • 1. Agiria egin duen jatorrizko herrialdearen Departamentu edo Ministerioa.
  • 2. Jatorrizko herrialdearen kanpo arazoetarako ministerioa.
  • 3. Jatorrizko herrialdean dagoen Espainiako agente diplomatikoa edo kontsula.

Espainian:

  • 4. Madrileko kanpo arazoetarako ministerioaren legeztatze-zerbitzua.

Azken tramite hau egiteko aurretiazko txanda eskatu behar da. Ondoren, dokumentua aurkeztu behar da helbide honetan:

España-ko Kanpo Arazoetako eta Lankidetzarako Ministerioak
Sección de legalizaciones

Calle Juan de Mena, 4. 28014 Madrid (Cibeles eta Neptuno plazen artean)
Metroa: Linea 2 (Banco de España-ko geltokia)

Aurretiazko txandaz gain, dokumentuok beste modu honetan ere legeztatu ahal dira: goiko helbidera posta zertifikatu bidez bidalita.

Ez da beharrezkoa izango legeztatze-zerbitzura jotzea atzerriko agiriak segurtasun-etiketa -agiriaren jatorrizko herrialdean Espainiak duen kontsul-etxeko bulegoak jarritakoa- badu.

Atzerriko hizkuntza baten dauden dokumentu guztiek gaztelaniazko itzulpenarekin aurkeztu behar dira. Itzulpena honela egin daiteke:

Informazio gehiago

Kanpo Arazoetako eta Lankidetzarako Ministerioak
Telefonoa 913791655
Harremanak legalizaciones@maes.es