Gizarte zerbitzuak

Udalaren Gizarte Zerbitzuak


Barakaldoko Udalak baditu zenbait gizarte-zerbitzu, pertsonekin, familiekin eta kolektiboekin esku hartzen dutenak honako gai hauek tartean: informazioa, trebetasun sozialak, autonomia fisikoa eta psikikoa, bizikidetza-harremanak, prestakuntza, lana, maila ekonomikoa, etxebizitza eta gizartean parte hartzea.

Barakaldon bizi diren pertsona guztientzako zerbitzuak dira, pertsona horiek erroldatuta egon zein ez, edozein nazionalitatetakoa direla eta bizileku-baimena eduki zein ez.

Udalaren Oinarrizko Gizarte Zerbitzuak


Oinarrizko Gizarte Zerbitzuen bitartez bideratzen da sarrera. Harrera egiten diete udal gizarte-zerbitzuetara lehenengo aldiz joaten direnei, bulegoetara joanda zein telefonoz.

Lehenengo hitzorduan informazioa eta biderapena ematen dira, eta kasuari buruzko hasierako balorazioa egiten da. Beharrezkoa bada, ondorengo hitzorduetan etengabeko esku-hartzeari eutsiko zaio. Eskatzaileari gizarte langile bat esleituko zaio prozesu osorako.

Eginkizunak:

  • Gizarte eskubideei eta baliabideei buruzko informazioa eta biderapena ematea eta baloratzea.
  • Banakoekin eta familiekin esku harzeko planak egitea, pertsona edo familia bakoitzari egokituak, egoera psikikoa eta soziala hobetzeko.
  • Babesik eza, arriskua, tratu txarra edota edozein pertsona (emakumeak, haurrak, adinekoak edo bestelakoak) bertan behera uztea.
  • Laguntza zerbitzua ematea interesa duenaren etxean bertan.
  • Pertsonak, familiak eta taldeak gizarteratzeko esku-hartze egitarauak lantzea, bazterketaren prebentzioa lehenetsiz.
  • Partaidetzaz jabearazteko eta hura sustatzeko egitarauak egitea.
  • Prestazioen tramitazioa kudeatzea.
  • Udalerriaren gizarte beharrak aztertzea, beharrezko baliabideak kudeatzeko edota sortzeko.

 

Baliabideak eta egitarauak

  • Profesional batek emandako banako laguntza.
  • Esku-hartze planak edo interesa duen pertsonarekin adostutako hitzarmenak.
  • Gizarteratze eta laneratze egitarauak.
  • Diru prestazioak.
  • Atzerritartasunaren eremuko aholkularitza
  • Gizarte eta Hezkuntza-arloan esku hartzeko taldeak: adin-txikikoen eta familien hezitzaileak.
  • Eskola laguntza.
  • Laguntza Psikologikoa.
  • Etxez etxeko Laguntza Zerbitzua.
  • Adinekoei laguntzea.
  • Telelaguntza.
  • Eguneroko jarduerak egiteko laguntza behar duten 60 urtetik gorakoentzako eguneko zentroak.
  • Adinekoen egoitzan sartzea.